Laust er embætti leiðtoga fyrir íslensku þjóðina.

Staða leiðtoga fyrir lýðveldið Ísland er hér með auglýst laus til umsóknar. Leitað er að áhugasömum einstaklingi, en það er þó ekki nauðsynlegt skilyrði fyrir ráðningu. Reynsla af sambærilegum störfum er æskileg, en þó ekki nauðsynleg ef viðkomandi uppfyllir neðangreind skilyrði. Viðkomandi þarf að geta hafið störf sem fyrst, því þjóðin er leiðtogalaus.

Leiðtogi íslensku þjóðarinnar hefur m.a. með  höndum stjórnskipan lýðveldisins og stjórnarfar almennt, embætti forseta Íslands og embættisbústað, Ríkisráð Íslands, Alþingi, skipun ráðherra og lausn, skiptingu starfa milli ráðherra og ráðuneyta, ríkisstjórn og Stjórnarráð Íslands í heild, þar á meðal ráðstöfun skrifstofuhúsa og gestahúsa ríkisstjórnarinnar, fána Íslands, ríkisskjaldarmerki og þjóðsöng Íslendinga, hina íslensku fálkaorðu og önnur heiðursmerki, þjóðlendur, Þingvelli og Þingvallaþjóðgarð, hagstjórn almennt, Vísinda- og tækniráð, Seðlabanka Íslands og Alþjóðagjaldeyrissjóðinn (IMF), embætti ríkislögmanns og Umboðsmann barna.

Gerð er krafa um að umsækjandi fullnægi eftirfarandi skilyrðum:

• Hafi a.m.k. embættispróf frá Flugfreyjuskóla Íslands.
• Búi yfir umtalsverðri reynslu á sviði klækjabragða og hrossakaupa er tengjast stjórnmálum.
• Hafi sæmilegt vald á rituðu og mæltu máli, bæði íslensku og ensku (enskukunnátta er þó ekki nauðsynleg, þar sem hægt er að láta túlka öll samskipti við útlendinga ef viðkomandi hefur slaka tungumálakunnáttu).
• Eigi auðvelt með mannleg samskipti, sem er þó ekki nauðsynlegt, ef viðkomandi á erfitt með slík samskipti, en í þeim tilfellum verða þó allir að sætta sig við skapsveiflur viðkomandi, sem nálgast geðofsaköst.
• Þarf að geta lagt fólk í pólitískt einelti og tekið þingmenn í gegn og kúgað þá, jafnvel á göngum Alþingis.
• Reynsla af notkun handjárna og annarra pyntingartóla æskileg.
• Stjórnunarreynsla og leiðtogahæfileikar eru æskilegur fylgifiskur, en þó er hægt að líta framhjá slíku aukaatriðum ef viðkomandi er af réttri ætt.
• Frumkvæði og áræðni til að taka þátt í umbótastarfi, sem er þó ekki nauðsynlegt ef það hentar hagsmunum viðkomandi aðila eða fjölskyldu hans.
• Mikil samskiptahæfni og jákvætt viðmót, sem hægt er að líta fram hjá ef viðkomandi flokkur er í forustuvanda og þarf að finna einhvern sem enginn er sáttur við en allir samþykkja þó með semingi.

Laun samkvæmt ákvörðun kjararáðs, sem gætu lækkað ef leiðtoginn telur sig tilknúinn til að lækka launin vegna lýðskrums og arfaslæms fylgis.

Umsóknum fylgi upplýsingar um nám, fyrri störf og reynslu af ungliðastarfi í stjórnamálaflokknum, ættfræði, klíkustarfi sem viðkomandi hefur tekið þátt í, tengsl við þá sem virkilega ráða ferðinni innan stjórnmálaflokksins ásamt ljósriti af lista með þeim einstaklingum og fyrirtækjum, sem hugsanlega gætu styrkt flokkinn fjárhagslega og á annan hátt, ef viðkomandi verður leiðtogi þjóðarinnar (t.d. fjársterka hagsmunaaðila, stéttarfélög eða önnur samtök launamanna eða vinnuveitenda).

Umsóknargögn berist í tvíriti til skrifstofu Flokkseigendafélagsins, Jóns Sigurðssonar stræti 1, 101 Reykjavík. Eitt eintak nægir ef gögn eru send rafrænt.

Upplýsingar um starfið veitir Friðgeir Richardsen, framkvæmdastjóri Flokksins, í síma 555 2000 eða 991 95 00, netfang fridgeir.richardsen@flokkurinn .is.

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum, peningagjöfum til flokksins, ættartengslum, tengslum við flokksklíkuna og stuðningi frá ýmsum hagsmunaaðilum.

Frekari upplýsingar um ábyrgðarsvið og almennar kröfur til stjórnenda eru á vef Flokksins, www.flokkurinn.is

Alþingi, Stjórnarráðið og Flokkurinn eru reyklausir vinnustaðir.

 

Æskilegt er að umsækjandi hafi reynslu af stjórnun. Einnig væri það styrkur að umsækjandi hafi öðlast reynslu við gerð þjóðhags- og verðbólguspár. Umsóknum skal skilað til mannauðssviðs Flokksins fyrir 28. ágúst 2009.

Flokkurinn - mannauðssvið
Jóns Sigurðarstræti 1
101 Reykjavík
 

 

Sneisafullur Austurvöllur

Athugasemdir

[Guðbjörn Guðbjörnsson, 13.8.2009 kl. 20:19]

Sigurbjörg:

Ég var líka á Austurvelli.

JÁ - ég hefði viljað fá einhvern eins og Davíð var 1991!

[Sigurður Sigurðsson, 13.8.2009 kl. 20:47]

Davíð ER eins og hann var 1991. 

Best væri að fá hann aftur  !!!!!!11

[Bumba, 13.8.2009 kl. 20:53]

Hehehhehe einmitt. Ekki vitlaus auglýsing. Með beztu kveðju.

[Baldur Fjölnisson, 13.8.2009 kl. 21:16]

Svok. lýðræði drifið og kostað af fasískri fjármálamafíu er greinilega ekki að virka nema fyrir mafíuna enda allt á fokking hausnum eftir það, en hvað á að taka við ? Valdahönnunarmaskínur heimsins hafa reynt kommúnisma og fasisma síðustu öldina og hafa núna sett draslið endanlega á hausinn með lýðræðiskerfi sem var drifið af keyptum leppum. Hvað tekur við. Líklega einhvers konar vísindalegur nýfasismi þar sem elítan ræktar sig og sinn óendanleika en aðrir verða þrælar. Eins konar ný-lénsveldiskerfi úr helvíti.

[Gunnar Rögnvaldsson, 13.8.2009 kl. 22:28]

Má reykja?

[Gunnar Rögnvaldsson, 13.8.2009 kl. 22:36]

OMG! Afsakið, kom auga á kröfurnar, púff. Þar fór það, púff

[Villi Asgeirsson, 14.8.2009 kl. 04:34]

Kæri Friðgeir,

Á næstu dögum munuð þér fá afhenta umsögn um starf leiðtoga. Hún mun verða prentuð á gulan pappír. Vinsamlegast sjáið til að þessi umsækjandi fái starfið.

Viljið þér meiri upplýsingar, vinsamlega hafið samband við umboðsmann Standard Oil á Íslandi, Baldur Skeggjason, Séstvallagötu 13.

[Halldór Egill Guðnason, 14.8.2009 kl. 11:20]

Sæki hér með um stöðuna og bið þig Guðbjörn að afhenda umsóknina fyrir mig. Er staddur í Argentínu þessa stundina að kynna mér hvernig alvöru gerspilltir stjórnmálamenn eiga að akta. Námsleiðinu líkur í byrjun október og get því ekki tekið við embættinu fyrr. Vona að það komi ekki að sök. Treysti því að þú, af frændrækni og göfuglyndi, komir umsókn minni til Flokksins. (Þú munt að sjálfsögðu njóta greiðans seinna meir) 

[Jón Sveinsson, 14.8.2009 kl. 17:00]

JÁ JÁ Hann DAVÍÐ ODDSSON,NO,1 ANNAÐ VÆRI FJÆRSTÆÐA