Fyrrverandi sláturhússtjóri vill út úr ESB

Í viðtali, sem blaðamaður Morgunblaðsins átti í Ungverjalandi nýlega við Janos Sándor, fyrrverandi sláturhússtjóra  í borginni Székesfehévár, er þessi fyrrverandi slátrari sagður alfarið andsnúinn  Evrópusambandinu. Sagði hann að mikill meirihluti fyrrverandi sláturhússtjóra í Ungverjalandi séu og hafi alla tíð verið andsnúnir Evrópusambandinu, en þeir séu að sama skapi hlynntir því að gerast hluti af Sovétríkjunum.

Sándor, sem var meðlimur í Ungverska kommúnistaflokknum um áratuga skeið, saknar gömlu tímanna, þegar hann og félagar hans réðu lofum og ríkjum í Ungverjalandi. Hann og fleiri fyrrverandi sláturhússtjórar hittast nú vikulega á knæpu í heimabæ sínum og kyrja þar gamla kommúnistasöngva og fara með níðvísur um ESB. Fram kom í fréttinni að vel hefði farið á með blaðamanni Morgunblaðsins og að ekki væri ólíklegt að Heimssýn byði nokkrum félögum þessara samtaka í heimsókn á næstunni. Morgunblaðið mun á næstunni reyna að komast að skoðunum alls kyns fyrrverandi frammámanna í Evrópu og kynna lesendum blaðsins, en þó aðeins að þeir séu með "réttar" skoðanir. Leitin gengur brösuglega og hefur staðið í nokkurn tíma.

Ættu Írar að ganga úr ESB?

Athugasemdir

[Sigurður Þorsteinsson, 27.10.2010 kl. 23:31]

Þetta er einmitt málflutningur Evrópusamtakanna sem eru á blog.is. Það sem vantar inn í þessa frétt þína er að ritari Janos Sándors, Muldova Kruskoff hætti í sláturhúsinu eftir að Ungverjaland gekk í ESB og  gerðist vændiskona. Hún veill ekki heyra á það minnst að gagna úr ESB. Nú er bara fyrir þig Guðbjörn að sofna ESB vináttufélag Ungverjalands og Íslands og skella þér síðan út til Muldóvu, hún mun taka vel á móti þér. 

[Jón Valur Jensson, 27.10.2010 kl. 23:45]

Liggur ekki beint við, að þessi fyrrverandi sláturhússtjóri, Janos Sándor, verði bara að slátra þessum "aðildar"-(innlimunar)samningi, Guðbjörn minn?

[Sigurður Haraldsson, 28.10.2010 kl. 00:54]

Hjá okkur verður ekkert ESB ætli menn séu ekki farnir að átta sig á því!

[Guðbjörn Guðbjörnsson, 28.10.2010 kl. 07:54]

Ég les með athygli allar fréttir um ESB á MBL-vefnum. Ég vona að þeir nái að slá út þessa frétt, sem ég fann í tímariti Félags fyrrverandi sláturhússtjóra í Ungverjalandi sem andsnúnir eru ESB, en í félaginu eru alls 3 félagar.

[Óskar Þorkelsson, 28.10.2010 kl. 08:34]

nei-sinnar skildu ekki sneiðina frá Guðbirni :)  snillingar

[Jón Valur Jensson, 28.10.2010 kl. 10:54]

Þetta er náttúrlega einkar kjánalegt og allsendis vigtalaust blogg af Guðbjarnar hálfu, að búa til "frétt" um að blaðamaður Mbl. hafi talað við einhvern tilbúinn sláturhússtjóra ungverskan, sem eigi sér tvo samherja. Þetta er dæmi um kolvitlausa tengingu við frétt, því að Guðbirni reyndist alveg um megn að ræða á nokkurn hátt málefnalega um framkomnar staðreyndir um kraumandi óánægju á Írlandi með ESBið ykkar.

[Jón Valur Jensson, 28.10.2010 kl. 10:55]

Vigtarlaust !