Fjöldi ríkisstofnana í fjárhagsvandræðum

Auðsjáanlegt er að fjöldi ríkisstofnana hefur verið í fjárhagsvandræðum á þessu ári. Skemmst er að minnast fjárhagsvandræða hjá lögreglustjóranum í Reykjavík og lögreglu- og tollstjóranum á Suðurnesjum, en einnig vandræða undanfarin ár hjá Landspítala-háskólasjúkrahús og víðar.

Íbúar í Reykjanesbær voru um 11.000 árið 2004 en eru nú um 14.000. Íbúum í öðrum bæjarfélögum á Suðurnesjum hefur einnig fjölgað mikið: Grindavík 2760, Sandgerði 1723, Garður 1451, Vogar 1225 (tölur frá 1. desember 2007). Ekki er ólíklegt að íbúafjöldi Suðurnesja sé nú í kringum 22.000 manns.

Það væri hreint út sagt ótrúleg niðurstaða ef ekki væri talin ástæða til að halda úti næturvakt á heilsugæslunni  fyrir okkur íbúa Suðurnesja. Mér finnst það satt best að segja óásættanlegt að verða að aka alla leið til Reykjavíkur til að leita fara til læknis eftir kl.16.00 á daginn!

Óviðunandi mismunun segir bæjarstjóri Reykjanesbæjar

Athugasemdir

[Rauða Ljónið, 5.7.2008 kl. 20:31]

Sæll. Málið snýst ekki um fjármagn eða aura eða vilja til að leggja meira fé í þennan málaflokk, það snýst um mannréttindi, mannréttindi fólks  á Suðurnesjum og Reykjanesbæ eins og ég hef áður sagt þér búa barnabörn mín við námunda við þig og ég er afar ósáttur við þennan gjörning og mannréttindar brot.                                                              

Kv. Sigurjón Vigfússon 

[Jón Aðalsteinn Jónsson, 5.7.2008 kl. 21:53]

Hvernig stendur á því ár eftir ár að okkar ágætu ráða menn geta ekki gert fjárlög þannig úr garði að þau dugi heldur fer öll orka rekstraraðila í að þrasa við rikið

[Rauða Ljónið, 5.7.2008 kl. 22:35]

Sæll. Jón A,  ég get ekki sé að málið snúist um krónur hér er einhver uppinn að ná sér í prik varandi sparnað og á hverjum bitnar það, á íbúum á Suðurnesjum og   Reykjanesbæ, börnum og lasburða fólki, málið er einfalt þetta er brot á mannréttindum.

Kv. Sigurjón Vigfússon 

[Guðbjörn Guðbjörnsson, 6.7.2008 kl. 12:14]

Mín reynsla er að því miður er ekki hlustað á rök forstöðumanna þegar að fjármögnun þeirra stofnana kemur.

Síðan kemur Ríkisendurskoðun og gerir stjórnsýsluúttekt - í kjölfar dylgna um fjármálaóstjórn eða fjármálaóreiðu - og kemur með litlar sem engar athugasemdir eftir að hafa velt við smæstu steinum í bókhaldi stofnananna.

Ég hef aldrei haft neitt á móti breytingum eða að skoða hvernig er hægt að hagræða í ríkisrekstri og tel að víða sé hægt að hagræða og bæta skipulagningu. Það sem ég hef á móti er þegar breytingar eru framkvæmdar að geðþótta ráðamanna en ekki af brýnni nauðsyn.

Stundum er það jafnvel svo að manni grunar að stofnanir séu fjársveltar til að knýja fram breytingar, t.d. um einkavæðingu eða breytt rekstrarform. Mér finnst að þarna ættu stjórnmálamenn að koma hreint fram og stinga upp á einkavæðingu eða breytt rekstrarform og taka síðan pólitíska umræðu um það.

Það eru drengmannleg og heiðarleg stjórnmál!