ESB aðildarviðræður - mikil tækifæri fyrir Sjálfstæðisflokkinn ...

Sú staða, sem komin er upp í kjölfar þess að sótt hefur verið um aðild að Evrópusambandinu, er í raun ágætis staða fyrir Sjálfstæðisflokkinn, þ.e.a.s. ef menn þar á bæ hafa vit á að halda rétt á spilunum.

Viðbúið er að samningaviðræður hefjist í febrúar 2010 og ljúki á mjög stuttum tíma, hugsanlega jafnvel sex mánuðum. Aðild Íslands að ESB gæti því blasað við 1. júlí 2011. Sjálfstæðisflokkurinn verður því að hafa hraðar hendur til að mála sig ekki út í horn í þessu máli. 

Í bók Auðuns Arnórssonar, Inni eða úti? Aðildarviðræður við Evrópusambandið, er mjög vel farið í samningaferlið sjálft og síðan auðvitað hvaða málaflokkar verða erfiðir. Það var ekki að undra að þau tvö svið, sem talin eru erfið, eru sjávarútvegs- og landbúnaðarmál. Ég tel einsýnt að yfirlýsingar Joe Borg, framkvæmdastjóra sjávarútvegsmála ESB, sem hann gaf frá sér í vetur þess efnis að Íslendingar yrðu kallaðir að borðinu við endurskipulagningu fiskveiðimála innan ESB, sem á að ljúka í síðasta lagi 2012, hafi ekki verið tilviljun einni að kenna. Mjög líklegt er að fiskveiðistefnunni verði breytt á þann hátt að fiskveiðar verði ekki ásteytingarsteinn í viðræðum okkar Íslendinga við ESB, en þannig gætu einnig opnast dyr fyrir aðild Noregs að sambandinu. Það voru einmitt ákvæði um fiskveiðar í aðildarsamningi Noregs og ESB, sem urðu aðildarsamningnum síðast að falli. Þá er útilokað annað en að bjóða Íslendingum svipaðar undanþágur og Finnar fengu vegna landbúnaðar. Slíkar tilslakanir myndu leysa viss vandamál hér á landi og hugsanlega einnig minnka andstöðu í Noregi.

 Ég vil minna á að ályktun landsfundar Sjálfstæðisflokksins segir:

„ ... jafnframt [er] talið mikilvægt að sífellt sé í skoðun hvernig hagsmunum Íslands verði best borgið í samstarfi Evrópuríkja‟. 

Að auki stendur í ályktuninni:

„Komist Alþingi eða ríkisstjórn að þeirri niðurstöðu að sækja beri um aðild að Evrópusambandinu er það skoðun Sjálfstæðisflokksins að fara skuli fram þjóðaratkvæðagreiðsla um þá ákvörðun á grundvelli skilgreindra markmiða og samningskrafna‟.

Sjálfstæðisflokkurinn reyndi allt hvað hann gat til að framkvæma stefnuskrá flokksins, en allt kom fyrir ekki, þar sem meirihluti Alþingis kaus að fara öðruvísi í hlutina. Að auki má benda á að málið sé og hafi verið umdeilt innan flokksins, líkt og sást á afstöðu varaformanns flokksins, Þorgerðar Katrínar Gunnarsdóttur og eins þingmanns flokksins, Ragnheiðar Ríkharðsdóttur, við atkvæðagreiðsluna á Alþingi. Þetta hefur þó ekki síður verið áberandi í allri fjölmiðlaumræðu á undanförnum mánuðum, þar sem m.a. fyrrverandi formaður flokksins, Þorsteinn Pálsson og ýmsir aðrir frammámenn innan flokksins lýstu yfir stuðningi við aðildarviðræður við ESB. Bjarni Benediktsson minntist einmitt á þetta í fréttum Ríkissjónvarpsins í gærkvöldi.

Fari málin nefnilega á þann veg, að mjög góður samningur náist við ESB, þar sem ekki aðeins verður að mestu fallist á okkar sjónarmið varðandi fiskveiðistjórnunar- og landbúnaðarmál, heldur einnig fallist á að hjálpa okkur varðandi Icesave-skuldbindingarnar og uppbyggingu efnahagslífsins í kjölfar efnahagshrunsins, þá erum við sjálfstæðismenn ekki í góðri aðstöðu. Þetta á ekki síst við ef við höldum andstöðu okkar við aðildarviðræðurnar áfram og sjáum þeim og gangi viðræðna allt til foráttu. Þá munu auðvitað fyrst og fremst Samfylkingin hirða allar rentur af þeim samningi, þótt VG muni auðvitað reyna að ná einhverjum hluta hagnaðarins í sinn hlut, m.a. með því að minna á að stór hluti þeirra hafi jú greitt atkvæði með því að fara í aðildarviðræður.

Útgönguleiðin fyrir Sjálfstæðisflokkinn - fyrst við klúðruðum þessu við atkvæðagreiðsluna - er að lýsa því yfir, að við höfum ekki viljað fara í aðildarviðræður á þessum tímapunkti, en að flokkurinn hafi aldrei útilokað þann möguleika að ganga til aðildarviðræðna við ESB, myndi hagsmunamat flokksins leiða í ljós að það væri landsmönnum hagstætt. En þar sem það sé nú orðin staðreynd, að við höfum sótt um aðild að Evrópusambandinu, vilji Sjálfstæðisflokkurinn taka virkan þátt í samningaviðræðunum og það sé gert með fullum heilindum og von um að góður samningur náist í aðildarviðræðunum. Jafnframt verður að lýsa því yfir, að náist sátt um landbúnaðar- og fiskveiðimálin, sé alls ekki útilokað að flokkurinn styðji aðild að Evrópusambandinu, en það sé eitthvað sem einungis tíminn og aðildarviðræður geti leitt í ljós.

Með þessu móti geta Sjálfstæðismenn einnig hoppað inn í ríkisstjórnarsamstarf með Samfylkingunni að nýju slettist uppá vinskapinn við VG, sem mér finnst reyndar frekar ótrúlegt næstu 4 árin. Ástæðan fyrir því að VG verður að vera í stjórn í 4 ár og klára ekki aðeins ESB málið, heldur einnig að koma málum hér í lag, er að verði farið í kosningar næstu 2 árin mun flokkurinn fara mjög illa út úr kosningum. Kjósendur VG telja flokkinn hafa brugðist í ESB málum auk þess sem byrjað að skera niður í velferðarmálum og hækka skatta. Auðvitað þurfti að gera þetta allt saman, en það skilja kjósendur VG ekki mjög vel, frekar en að hluti lausnanna sé fólgin í ESB aðild.

Það eru mikil tækifæri fólgin í kreppum og öllum aðstæðum, ef maður kann að notfæra sér það! 

Andsnúnir inngöngu Íslands

Athugasemdir

[Hólmfríður Bjarnadóttir, 18.7.2009 kl. 13:36]

Sæll Guðbjörn. Þessi færsla þín er bæði raunhæf og skynsamleg varðandi möguleika okkar íslendinga við samningaborðið hjá ESB. Ég kýs að sitja hjá hvað varðar innanflokksmálin hjá ykkur Sjálfstæðismönnum. Mundi sennilega taka undir með þér sem flokksmaður þar. Góða helgi.

[Hjörtur J. Guðmundsson, 18.7.2009 kl. 13:40]

Guðbjörn, sættu þig bara við það. Mikill meirihluti sjálfstæðismanna vill ekki í Evrópusambandið og er ennfremur andsnúinn umsókn um slíkt.

[Hjörtur J. Guðmundsson, 18.7.2009 kl. 13:42]

Þetta er ennfremur stefna flokksins og ef breyting ætti að verða þar á er það landsfundar að gera hana.

[Guðbjörn Guðbjörnsson, 18.7.2009 kl. 13:46]

Ég held að við getum ekki beðið eftir landsfundi til að útkljá þetta mál. Staðreynd er að við erum búin að sækja um aðild. Það er ábyrgðarhluti fyrir forustu flokksins að láta sem svo að það hafi ekki verið gert eða að taka ekki þátt í undirbúningi aðildarviðræðnanna og viðræðunum sjálfum. Við erum að gera sjálfum okkur óleik með því, þar sem hlutirnir geta allt eins farið svo að samningurinn verði mjög góður og þjóðin kjósi hann með miklum meirihluta. Verði samningurinn lélegur, getur flokkurinn sagt að þetta hafi alltaf verið "flestum" sjálfstæðismönnum ljóst.

Maður þarf að sýna smá skynsemi í stjórnmálum! 

[Jón Baldur Lorange, 18.7.2009 kl. 15:12]

Sæll Guðbjörn,

Þú gefst ekki upp og heldur ESB söngnum áfram þó þú vitir mæta vel að þorri sjálfstæðismanna er andsnúinn aðild að ESB. Það er staðreynd og óskhyggja fær því ekki breytt.

Hins vegar er það rétt að ein orrusta er töpuð en stríðið er ekki tapað. Sjálfstæðissinnar, og það eru sjálfstæðismenn og konur upp til hópa, þurfa þess vegna að undirbúa sig undir næstu orrustu í ESB stríðinu. Það gerist ekki með því að gerast liðhlaupar eða með því að flýja yfir í herbúðir andstæðingsins, eins og þú leggur til! Hvað hefðu slíkir menn verið kallaðir í alvöru stríði sem lögðu slíkt til?

Ég bind vonir við það að Þjóðverjar og Frakkar segi einfaldlega nei við aðildarumsókn Íslands. Þar sem skapast tækifæri fyrir þjóðina sem ég geri grein fyrir á bloggi dagsins. Ég er þannig sammála þér Guðbjörn þegar þú segir að tækifæri sé að skapast fyrir sjálfstæðismenn - en það tækifæri felst ekki í uppgjöf og svik við stefnu flokksins.

Stöndum nú saman og grípum tækifærið!

[Björn Heiðdal, 18.7.2009 kl. 16:22]

Guðbjörn virðist gleyma þeim sem ekki vilja inngöngu í ESB.  Ekki passa þeir í Samfylkinguna, ekki mega þeir vera í Sjálfstæðisflokknum og varla vilja þeir vera í VG, hvað þá Framsókn.  Hvar eiga vondir að vera Guðbjörn? 

[Finnur Bárðarson, 18.7.2009 kl. 16:26]

Vogun vinnur vogun tapar. Skil ekki af hverju menn eru að fara af hjörunum. Skoðum málið frá öllum hliðum. Það er gangur lífsins. Sá sem aldrei vill lyfta asklokinu mun aldrei finna nein svör.

[Benedikta E, 18.7.2009 kl. 16:53]

Guðbjörn ég er hætt að taka það alvarlega sem þú ert að segja - þú talar eins og það séu margir í Sjálfstæðisflokknum aðildarsinnar - þó það sért bara - ÞÚ og 2 aðrir.............Þú talar eins og Samfylkingar fólkið -  gerir óskhyggjuna að þínum staðreyndum.........

2011 verður ESB komið í rúst - við Íslendingar förum aldrei þar inn.

[Jón Baldur Lorange, 18.7.2009 kl. 17:09]

Æ æ Finnur.

Þessi áróður er makalaust að reyna að koma því inn hjá fólki að þeir sem eru andvígir aðild Íslands að ESB séu félagar í hreyfingu Bjarts frá Sumarhúsum og vilji bara einangra sig frá umheiminum upp í afdölum. Ólína Þorvarðardóttir, þingmaður Samfylkingarinnar, hélt þessu fram í ræðu á Alþingi m.a. Þessi áróður ber keim af ,,besserwisser-syndróminu" þ.e. vér ein vitum!

Þeir sem vilja aðild Íslands að ESB vilja loka Ísland þar inni og loka á umheiminn. Þeir vilja segja upp fríverslunarsamningum okkar við aðra en ESB. Þeir vilja banna okkur að gera viðskiptasamning við Kína og önnur lönd utan ESB. Þeir vilja loka okkur inn í sameiginlegum stefnum ESB um sjávarútveg og landbúnað. Þeir vilja loka okkur innan tollmúra ESB. Það eru þeir sem vilja loka Asklokinu og halda Íslandi þar innan.

Ég frábið mig því að hlusta lengur á þennan áróður sem tekin úr upp úr bók Halldórs Laxness, sem vildi á þessum árum var mjög hallur undir kommúnisma. 

Þannig voru skoðanabræður hans sem höfðu þá hugsjóna að sjá eitt sambandsríki Evrópu eins og Ítalinn og kommúnistinn Altiero Spinelli, sem er talinn einn af áhrifamestu hugmyndafræðingum bakvið hugsjónina að Evrópusambandinu.

[Finnur Bárðarson, 18.7.2009 kl. 17:52]

Enginn áróður Jón bara skynsemi, sjálfur er ég forvitinn og ekki hræddur að eðlisfari. Og ekki slæmt að hafa Laxness að vitna í því hann sá fyrstur manna eðlisfar heimalninga. En annars átt þú hrós skilið að fjalla um þetta mál án fúkyrða, þó ég sé ekki sammála.

[Guðbjörn Guðbjörnsson, 18.7.2009 kl. 18:11]

Andstæðingar ESB í Sjálfstæðisflokki:

Þið vitið nákvæmlega eins og ég að það eru skiptar skoðanir um þetta mál innan Sjálfstæðisflokksins og engin ástæða til að gera lítið úr því. Þið vitið að stærstur hluti Samtaka atvinnulífsins er hlynntur aðild og sama má segja um Alþýðusamband Íslands og líklega einnig Bandalagi háskólamanna. Innan BSRB er stuðningur blendinn, enda stjórnaði því batteríi ESB aðildarviðræðusinni (nýlega orðinn) Ögmundur Jónasson. Ég tel meiri en minni stuðning fyrir aðildarviðræðum innan Kennarasambands Íslands, enda Samfylkingin mjög sterk þar.

Kannanir hafa margsýnt að þó nokkur hluti sjálfstæðismanna er hlynntur ESB aðildarviðræðum og það mun aðeins aukast nú þegar búið er að sækja um. Skynsemin mun síðan sigra þegar í ljós kemur í aðildarviðræðunum að við höfum ekkert að óttast varðandi sjávarútveginn eða hefðbundinn landbúnað.

Að auki mega sjálfstæðismenn ekki gleyma að 1/3 kjósenda hefur yfirgefið Sjálfstæðisflokkinn og 20-30% þeirra kjósenda sem enn kjósa flokkinn. Mjög villandi er fyrir flokksmenn að halda, að vilji hans almenna kjósanda sé hinn sami og hjá hinum harða kjarna Sjálfstæðisflokksins, sem er að finna í sjálfstæðisfélögunum, fulltrúaráðum, kjördæmisráðum eða miðstjórn Sjálfstæðisflokksins. Þannig þekki ég tugi ef ekki hundruð kjósenda í kringum mig, sem kusu flokkinn alveg þar til í síðustu kosningum. Þetta fólk yfirgaf fólkinn reyndar ekki eingöngu vegna andstöðu við ESB aðildarviðræður, heldur aðallega til að refsa flokknum fyrir afleita efnahagsstjórn undanfarin ár og þá ábyrgð sem Sjálfstæðisflokkurinn óneitanlega bera á efnahagshruninu.

Ég mun halda áfram að gagnrýna Sjálfstæðisflokkinn þar til menn þar á bæ átta sig á að mikið er að í innra starfi flokksins, að flokkurinn getur ekki unnið á móti hagsmunum þjóðarinnar með því að vera andsnúinn ESB aðildarviðræðum og þar til flokkurinn snýr aftur til róta sinna í sjálfstæðisstefnunni. 

[Guðbjörn Guðbjörnsson, 18.7.2009 kl. 18:56]

Dóra litla:

Það sem við bæði höfum heitir sannfæring og er mjög gott fyrirbrigði.

Óskandi væri að allir þingmenn hefðu þetta til að bera.

Sannfæring Ragnheiðar, Þorgerðar, mín og þúsunda annarra sjálfstæðismanna er að við eigum að fara í þessar viðræður og sjá hvað út úr þeim kemur.

Ef ég stimpla mig út með þessu er það í lagi. Þátttaka mín í pólitík snýst ekki um að komast á þing, heldur að veita góðum málum liðveislu.

Þegar ég var í prófkjörsbaráttunni sl. vor var ég ávalt spurður út í afstöðu mína varðandi ESB. Hér í Reykjanesbæ voru margir hrifnir af því að ég vildi skoða ESB aðild, en í Grindavík, Vestmannaeyjum, Þorlákshöfn og Höfn í Hornafirði var hrifningin engin. Það er allt í lagi að fólk hafi sínar skoðanir, því ég hef jú mínar.

Ég er samt sem áður sannfærður um að "minni tími mun koma!" 

[Benedikta E, 18.7.2009 kl. 20:03]

Sæll aftur Guðbjörn.

Þar sem % og hlutfallareikningur þinn á aðildarsinnum og andstæðingum innan Sjálfstæðisflokksins er nokkuð svo ómarkviss -  þá er það gleggra viðmið að taka mið af þingflokknum sem telur 16 þingmenn af þeim eru 2 aðildarsinnar á móti 14 fullveldissinnum......sem gera í % = 88% NEI við aðild  og 12 % JÁ við aðild.

Þetta er mjög talandi fyrir Landsfundinn líka -  þar sem talið var að hlutfallið væri 85%-90% andstæðingar ESB - og 10% - 15% aðildarsinnar að ESB

Þingmannafjöldin er óumdeilanlegur sama er að segja um kosningu þingmanna um aðildarumsókn -  útkoman úr því er óumdeilanleg........

Svo eru það  kjósendurnir  - þingmennirnir spegla  skoðun kjósendanna.

Með kveðju.

Þetta eru bara staðreyndir - sem óskhyggjan fær engu um  breytt.

[Einar Björn Bjarnason, 18.7.2009 kl. 22:23]

Sæll Guðbjörn, ég ætla ekki að koma með neinn sérstakann punkt annan, en að benda þér á eigin skýrslu Framkvæmdastjórnar Evrópusambandsins, um framtíðarhorfur á Evrusvæðinu í efnahagsmálum.

Ég vara við, að þetta er dökk lesning. En, þetta virkilega, er þeirra eigin spá.

Þessar, dökku horfur hljóta að skipta máli, eða hvað?

• "The Commission of the European Union - Directorate General for Economic Affairs: : 1. Quarter Report 2009" . Samkvæmt þessari skýrslu, er áætlað að meðalhagvöxtur innan Evrusvæðisins, lækki niður í 0,7% af völdum kreppunnar, og verði á því reiki fyrsu ár eftir kreppu. 

  Potential Growth Stuctural unemployment Investment ratio as percentage of output

  2007  1,8%                   8,7%                                       8,7%

  2008  1,3%                  9,0%                                        9,0%

  2009  0,7%                 9,7%                                         9,7%

  2010  0,7%                10,2%                                        10,2%

Þeir telja að svokallað "lost decade" sé líklegasta útkoman, þ.e. lélegur hagvöxtur um nokkur ár, í kjölfar kreppu, þannig að kreppuárin + árin eftir kreppu, verði cirka áratugur. Þeir telja, að á endanum, muni þó hagkerfi Evrópu rétta úr sér, og ná eðilegum meðal-hagvexti. Þeir, setja þó fyrirvara við þá ályktun, að sú útkoma sé ekki örugg; þ.e.:

"Risks of a permanent downshift in potential growth should not be played down."

Hvers vegna, er ég að tönnslast á þessu? Ástæðan er sú, að væntingar um að umsóknarferli og síðan, aðild - muni redda okkur, eru fullkomlega óraunhæfar ef staðreyndir mála eru hafðar að leiðarljósi.

Höfum staðreyndir að leiðarljósi, þ.e. miðum ekki við ímyndaðar skýjaborgir.

Ég er ekki að segja, að aðild sé eitthver disaster, einungis að í því felst engin redding, engin afsláttur af þeirri vinnu úr erfiðleikum, sem við höfum frammi fyrir okkur. Það er allt of mikið gert úr ESB aðild, með öðrum orðum - hún er hvorki endir alls, né er hún upphaf einhvers draumaríkis.

Sannleikurinn er sá, að innganga í ESB sem slík, mun ekki stytta kreppuna neitt, né mun hún lengja hana.

Aftur á móti, getur það lengt hana, ef við erum að reyna að leggja of mikið í aðildarferlið, en samningaferlið krefst mikils af okkar litla embættismanna kerfi. Á meðan, þeir eru að sinna aðildarferlinu, nýtast kraftar þeirra síður við að berjast við kreppuna. Ég hefði kosið, að við brettum upp ermarnar og sigruðust fyrst á kreppunni, en tækjum svo aðild til skoðunar.

Kv.

[Guðbjörn Guðbjörnsson, 18.7.2009 kl. 22:49]

Benedikta E:

Heldur þú að við séum komin með nýjan framkvæmdastjóra flokksins af því að allt er í best lagi?

Heldur þú að Þorgerður og Ragnheiður væru enn í flokknum ef við hefðum ekki skoðanabræður og -systur?

Heldur þú að Sjálfstæðisflokkurinn kæmist lengi af án stuðnings atvinnurekenda?

Þú heldur að landsfundurinn ráði ferðinni og sá "harðkjarni" í flokknum, sem þangað fer? Ó, nei! Svona einfalt er þetta ekki!

Þetta veit forusta Sjálfstæðisflokksins og þess vegna var endurreisnarnefndin stofnuð, Evrópunefndin og nú nýlega ráðinn nýr formaður, sem vill breytingar. Fékkst þú ekki netpóstinn, sem ég fékk í síðustu viku?

Það er mikið um að vera í Valhöll og fólk þar á bæ veit vel um alvarleika stöðunnar, og þótt þú og Hjörtur, Loftur, Vilhjálmur Andri, Egill Þór, Þorsteinn Scheving Thorsteinsson og svo Anti-ESB-sinnarnir, Vilhjálmur og Gunnar, sem búa í gini ljónsins, haldið að þið ráðið einhverju þá ráðið þið engu, því á endanum snýst þetta um peninga og völd og þar eruð þið ofurliði borin.

Meira að segja Bjarni og Illugi átta sig á valdi peninga og hagvaxtar, á þeirri einföldu staðreynd, að krónan er ónýt, lausnin á Icesave skuldunum og öðrum erlendum skuldum okkar, trúverðugleika okkar og framtíðar möguleikum byggist á aðild að ESB.

Rök ykkar eru svo "naive" að mér er skapi næst að hlæja, en ég veit að í lýðræðinu má maður ekki hlæja að fólki eins og ykkur, því hvert atkvæði er mikilvægt, jafnvel "naivu" atkvæðin! 

[Einar Björn Bjarnason, 18.7.2009 kl. 23:08]

Hmm, ef það eru völd og peningar, sem þetta snýst um, þá getur þú verið viss, að þeir munu íhuga vel og vandlega, spár Framvkæmdastjórnar ESB.

Einnig, sambærilegar spár bærra sjálfstæðra stofnana, í Bandaríkjunum.

Tímarammi, skiptir líka máli, þ.s. við skuldum, eitthvað yfir 2 þjóðarframleiðslum, í erlendri mynnt, og alls um 3 - þegar innlendar skuldir eru teknar með.

ESB, er ekki að fara, að leggja allar starfsreglur til hliðar, svo ERM II aðild, kemur einungis eftir að öll aðildarríki hafa staðfest okkar aðildarsamning og við lika. Það, ferli eitt og sér getur tekið liðlega ár, þ.s. við erum að tala um þjóðþing allra 27 aðildalandanna. Þá, fyrst - reglum ESB skv. getum við óskað eftir aðild að ERM II. Þá fyrst kemur, +/- 15% vikmarka stuðningur seðlabanka Evrópu, við krónuna. Síðan, er það algerlega okkar mál, að ná stöðugleika á krónuna, því hún verður að ná algerum stöðugleika um 2. ára tímabil. Seðlabanki Evrópu, hjálpar ekki neitt, svo lengi sem sveiflur eru innan vikmarka.

Þ.e. vel hugsanlegt, að við náum aldrei, þeim stöðugleika, og verðum innan ESB, en aldrei með Evru.

Þetta verður allt vegið og metið, ásamt vitneskju um slæmar horfur ESB í efnahagsmálum.

Ég er alls ekki eins sannfærður og þú, að það séu þvílíkt hreinar línur, að peningaöflin, muni álykta sem svo, að stefnan á Evruna - hugsanlega innan 20 ára - sé rétta leiðin.

Kv.

Kv.

[Guðbjörn Guðbjörnsson, 18.7.2009 kl. 23:12]

Einar Björn:

Samfylkingin vill inn í ESB, en hún vill ekki fórna framtíð sinni fyrir það, trúðu mér!

Þess vegna segi ég ykkur að "undrun" Ingibjargar Sólrúnar í dag kemur mér ekki á óvart, en gallinn er að hún er ekki lengur upplýst um það sem er að gerast. Ingibjörg var auðvitað með sendinefnd í Brussel að undirbúa umsókn okkar alveg frá því að ríkisstjórn hennar og Geirs H. Haarde tók við völdum. Hún og hennar fólk var búið að lemja vissa hluti í gegn og nú undrast hún að sjá engar niðurstöður. Málið er að hún er ekki "infomeruð" um eitt eða neitt! 

[Þorsteinn Sch Thorsteinsson (IP-tala skráð) 18.7.2009 kl. 23:30]

Guðbjörn 

Nei og aftur nei ég (Þorsteinn) er ekki í sjálfstæðisflokknum, en hérna Guðbjörn ekki notast við þessar áróðursaðferðir ESB-báknsins/ESB-sinna, við höfum reyndar þó nokkuð að bókum um þessar aðferðir-eins og td "Rotten Heart of Europe" og "The Great Deception the secret history of the european union" svo eitthvað sé nefnt hérna.

Hinsvega þá verður ekki langt að bíða þar til þið (ESB- sinnar) byrjið með aðra eins áróðurshrinu, en sjáðu til þá verður það fyrir þessari New World Order,  nú er hægt finna bækur ESB- sinna eins og td. bækurnar "Building a New World Order" eftir Harald Muller, og The European Union Mercosul the New World Order eftir Helio Jaguaribe og 'Alvaro de Vasconcelos nú það eru til fleiri bækur sem lofsyngja þessari New World Order ykkar eins og td.  "The United Nations in the New World Order the Organization at Fifty" eftri Dimitris Bourantonis og Jarrod Wiener. Þannig að það verður ekki langt að bíða þar til að þið og allir þessir litlu, litlu, nice, nice ESB-sinnar hérna byrjíð aftur með annan eins áróður og lofsöng fyrir þessari New World Order, vonandi verður þetta ekki eins mikill áróður og var fyrir þessu ESB-bákni. Það er kannski ætlun ykkar manna að fara hægt af stað,  þar sem erfitt getur reynst að sameina allt undir þessu Nýja Heimsskipulagi "New World Order" eða öll þessi sambönd þeas: Evrópusambandið (EU), Afríkusambandið (AU), Asíusambandið ( Asian Union), Suður-Ameríkusambandið (SAU), Mið-Ameríkusambandið (CAU) og hugsanlega fleiri sambönd undir eina alsherjar alheimsstjórn  "One World Governmet" (eða New World Order) Tyranny eins og menn eru að tala um við UN.  Fólk er reyndar farið að sjá hvað er á bakvið tjöldin hjá þessari Central Banks elítu Committee of 300, Rockefeller og Rothschild liðinu. En fyrirgefðu mér þar sem ég vonast til að fólk vakni upp við þennan ófögnuð ykkar og sjá hvert allt stefnir, ok?

[Guðbjörn Guðbjörnsson, 18.7.2009 kl. 23:35]

Þorsteinn Scheving Thorsteinsson:

Veistu hvað, ég er að hugsa um að skoða þessa hluti opnum augum, því eftir reynsluna af undaförnum árum, treysti ég engum!

Góðan hvíldardag! 

[Þorsteinn Sch Thorsteinsson (IP-tala skráð) 18.7.2009 kl. 23:59]

Guðbjörn

Gott mál að þú skoðir þessi mál og góðan hvíldardag

Gordon Brown New World Order Speech

London G20, Gordon Brown - "New World Order is emerging"

Kissinger calls on Obama to create a New World Order

EU Calls For 'New World Governance'

[Sigurður Þórðarson, 19.7.2009 kl. 00:11]

Icesave og ESB eru af sama meiði. 

[Einar Björn Bjarnason, 19.7.2009 kl. 02:36]

"Samfylkingin vill inn í ESB, en hún vill ekki fórna framtíð sinni fyrir það, trúðu mér!"

Um skoðun Samfylkingarinnar, er enginn hinn minnsti vafi. En, þurfum við endilega, að láta hana teyma okku?

Persónulega, er ég að fjarlægjast ESB, vegna slæmra efnahagslegra framtíðarhorfa, og er sífellt að nálgast þá skoðun, að við eigum að ræða við hann Obama.

Kv.

[Guðbjörn Guðbjörnsson, 19.7.2009 kl. 12:27]

Einar Björn:

ESB er ekki hugarfóstur Samfylkingarinnar, heldur myndað upp úr tollabandalagi - sem það auðvitað enn er - og þróaðist síðan áfram í það sem það er. Það þurfti ekki Samfylkinguna til í þeim 15-20 löndum, sem gengið hafa eða eru við það að ganga í sambandið á undanförnum 20 árum.

Hægri flokkarnir - og þá meina ég ekki öfgahægriflokkana - eru ekkert síður og jafnvel meira hlynntir ESB en vinstri flokkarnir. ESB er hvorki komma- eða fasistabandalag! Ég vil og minna á að bandalag hægri flokka mynda meirihlutann á Evrópuþinginu og hafa gert það um nokkra hríð!

ESB fór mun betur út úr þessari kreppu en Bandaríkin. Bretland, Írland og Spánn virðist vera þau lönd, sem fara verst út úr þessari kreppu og það má einmitt rekja til þess að þessi lönd byggðu upp mjög svipað kerfi og Bandaríkin, sérstaklega m.t.t. til fasteigna veðlána. Bretar voru t.d. ekki með 90-100% fasteignalán, heldur með lán allt upp í 120% af verði eignanna. Þá sögðu bankarnir fólki að fasteignaverð hækkaði svo mikið að það væri hægt að taka fyrirfram lán út á hækkanirnar. Svipaðir hlutar áttu sér stað hjá Írum. Á Spáni voru bankarnir nátengdir þeirri offjárfestingu, sem átti sér stað í byggingariðnaðinum og jaðraði við geðveiki - meira að segja mun verra en hér á landi. Á Spáni er svo mikið offramboð á húsnæði að lítið þarf að byggja næstu 5-10 árin. 

[Guðbjörn Guðbjörnsson, 19.7.2009 kl. 12:42]

Einar Björn:

(Svar við fyrri athugasemd, sem ég sá ekki)

Ég þekki þessar tölur frá ESB. Nú eru 27 aðildarríki innan ESB og þarna er verið að tala um einhverskonar meðtal allra þessara ríkja.

Svipaðar spár eru gefnar út fyrir Bandaríkin Kína og fyrir ESB. Hvort sem um BNA, Kína eða ESB er að ræða eru slíkar spár frekar villandi og gildir það t.d. einnig um verðbólgu, kaupkraft og annað.

Ástæðan fyrir þessu er að t.d. Ungverjalandi getur gengið mjög vel á meðan allt gengur á afturfótunum í Grikklandi og við þetta jafnast að sjálfsögðu hagvöxturinn. Við vitum einnig af svæðum í BNA, þar sem hagvöxtur er mjög lítill og síðan að öðrum stöðum þar sem hann er ótrúlega hár. Í Kína er þetta þó líklega mest öfgakennt, því þar í landi (hálf kjánalegt að tala um Kína sem land, því það er frekar um heimsálfu að ræða) eru svæði þar sem hagvöxtur hefur verið mjög lítill undanfarin 20 ár og fólk býr við sárustu fátækt og síðan stór svæði þar sem velmegun er orðin þó nokkuð mikil hjá stórum hluta fólks. Það sem ég vildi sagt hafa er að í kjölfar ESB aðildar og þess stöðugleika sem af því hlýst gætum við verið með bullandi hagvöxt, þótt hagvöxtur væri lítill í Portúgal eða Rúmeníu. Verðbólgan gæti einnig verið meiri hér á landi, en evran og stöðugleikinn héldi þó mjög aftur af verðbólgunni og hefði efnahagslega temprandi áhrif. 

[Einar Björn Bjarnason, 19.7.2009 kl. 17:15]

Þú getur ekki afgreitt, þessar tölur með svo ódýrum hætti.

Lítil hagkerfi, vigta lítið í þessu meðaltali, og hafa óveruleg áhrif til hækkunar eða lækkunar, meðaltals.

Þeir, eru að tala - í raun og veru - um að stóru hagkerfin innan Evrópu, muni vera með lágan hagvöxt um nokkur ár, eftir að kreppu er lokið.

---------------------------------------------

Þvert á móti, virðist Evrópa fara miklu mun ver út úr heimskreppunni, heldur en nokkurt annað svæði í heiminum - fyrir utan Rússland.

Sjá spá "IMF : Recession Loosens Grip But Weak Recovery Ahead "

Kv.

[Einar Björn Bjarnason, 19.7.2009 kl. 17:17]

Þau héröð í Kína, sem eru fátæk, einnig vigta lítið í meðaltölu hagvaxtar fyrir Kína. Þ.e. einmitt vegna þess, að þau svæði, eru með miklu minna hagkerfi, heldur en svæðin nær ströndum Kína.

Kv.